Հայաստանից արտագաղթի գլխավոր պատճառը շարունակում է մնալ աշխատանքի և վարձատրության խնդիրը։

Մինչ Փաշինյանը հպարտանում է, թե 2025-ին ավելի շատ մարդ է եկել Հայաստան, քան գնացել, պետք է հարցնել՝ իսկ ովքե՞ր են եկողները։ Հայաստանի քաղաքացինե՞րը, թե՞ Հնդկաստանի ու Պակիստանի, որոնք արդեն զբաղեցնում են տեղացիների աշխատատեղերը՝ էժան աշխատուժ լինելու պատճառով։

Իսկ վա՞ղն ովքեր են գալու… ադրբեջանցինե՞ր։ Հիմա պատկերացրեք՝ մեր երկիր գան աշխատելու ադրբեջանցիներ։ Միանգամայն հնարավոր է։ Որտեղի՞ց կսկսեն աշխատելը․ գուցե TRIPP-ի՞ց։ Արարատ Միրզոյանն այսօր ասել է, որ շինարարության փուլում երրորդ գործընկերոջ կարիքը կունենանք։ Իսկ ինչո՞ւ եմ կարծում, որ այդ երրորդ գործընկերը կարող է լինել հենց Ադրբեջանը։

Բաժնետոմսերի 76 տոկոսը տնօրինող ԱՄՆ-ն, պարզվեց, բանակցում է Ադրբեջանի հետ, որպեսզի Ադրբեջանը ներդրում ունենա ԱՄՆ այն մասնավոր ընկերություններում, որոնք գործելու են Սյունիքում՝ TRIPP-ի շրջանակներում։ Սա հենց ադրբեջանական ներգրավում է։ Կամաց-կամաց նրանք կներթափանցեն այլ ոլորտներ՝ տեղաբաշխելով ադրբեջանցի խոպանչիների։