ՀԱՅԿԱԿԱՆ ԺՈՂՈՎՐԴԱԿԱՆ ՇԱՐԺՈՒՄ
«Ո՛Չ ԱՐԵՎՄՏՅԱՆ ԱԴՐԲԵՋԱՆԻՆ»

2022 թվականի օգոստոսի 3-ին Ադրբեջանում ստեղծվեց «Արևմտյան Ադրբեջանի համայնք» կազմակերպությունը։ Այսպես կոչված «համայնքը» իր բազմաթիվ հայտարարություններում որպես գլխավոր նպատակ հայտարարում է Հայաստանից «վտարված ադրբեջանցիների վերադարձը»։

2023 թվականի հունվարի 26-ին «համայնքը» ընդունեց «ՎԵՐԱԴԱՐՁԻ ՀԱՅԵՑԱԿԱՐԳ»-ը՝ ծրագրային փաստաթուղթ, որը առաջ է մղում «Արևմտյան Ադրբեջան» նարատիվը։ 2023 թվականի փետրվարի 22-ին ՄԱԿ-ում Ադրբեջանի մշտական ներկայացուցիչ Յաշար Ալիևը այն ուղարկեց ՄԱԿ-ի գլխավոր քարտուղարին հասցեագրված նամակով։

Փաստաթղթում նշվում է, որ Հայաստանը պետք է «վերադարձնի» գույքն ու հողը, իսկ իրականում՝ հայերից վերցնի ու փոխանցի ադրբեջանցիներին, Հայաստանի դպրոցներում և պետական հիմնարկներում թույլատրի ադրբեջաներենը, վճարի փոխհատուցումներ, ինչպես նաև թույլ տա ադրբեջանցիներին ներգրավվել մեր երկրի ուժային կառույցներում ու դատարաններում։

Սա է Հայաստանը «Արևմտյան Ադրբեջան» դարձնելու ծրագիրը։