Մենք խոսում ենք Հայաստանի Հանրապետության միջազգայնորեն ճանաչված տարածքի մասին, հետևաբար, ձեր ասած նախադասությունը հնարավոր չէ հնչեցնել։ Այս մասին, այսօր՝ ապրիլի 18–ին, կառավարության նիստից հետո լրագրողների հետ ճեպազրույցում նշեց վարչապետ Նիկոլ Փաշինյանը՝ անդերադառնալով դիտարկանը, որ 2021–ին ՔՊ–ն ընտրություններին մասնակցել էր մի ծրագրով որտեղ կային Արցախի ինքնորոշման իրավունքի առաջ մղման, Շուշիի և Հադրութի դեոկուպացիայի դրույթներ. Հիմա որքանով կարելի է վստահ լինե,, որ մի քանի տարուց էլ «իրական Հայաստանի» 29743 քառակուսի կիլոմետր տարածքի մասին չի ասի, որ դա էլ «արևմտյան Ադրբեջան»։
Փաշինյանը շարունակեց. «2021-2026 թվականների կառավարության գործունեության ծրագրում արձանագրված է որ խաղաղության դարաշրջան բացելը ժողովրդի առաջ ստանձնած մեծագույն պարտավորությունն է։ Պետության կառավարումը ունի առանձնահատկություն, որ երբեմն կանգնում ենք ընտրության առաջ, և քանի որ մեր մեծագույն պարտավորությունը եղել է խաղաղությունը, մենք գնացել ենք մեծագույն պարտավորությունը կատարելու ճանապարհով։ Այսինքն գոյություն ունի կշեռք, որի մի նժարին դրվում է մի խնդիր, մյուսին՝ այլ խնդիր, եթե կա հակասություն։
Եթե չլիներ հակասություն այդ խնդիրների իրագործման դեպքում, չէր առաջանա նաև այդ հարցը։ Երբ կա իրավիճակ, որ հասկանում ես, որ դրանք համատեղելի չեն, պետք է կատարել ընտրություն, և մենք կատարել ենք ընտրություն Հայաստանի Հանրապետության ինքնիշխանության, տարածքային ամբողջականության և պետության հարատևության օրակարգի օգտին։ Մանավանդ, որ մյուս օրակարգերը, իրագործելը, մենք հասել ենք անհնարինության կետին»,–ասաց նա։
Փաշինյանը հավաստիացրեց, որ 2018 թվականից իրենք անկեղծորեն գնացել ենք այդ օրակարգերը լուծելու ճանապարհով. «Եվ դրա վկայությունն է, որ մենք Ղարաբաղի հարցի բովանդակության մեջ ոչ մի բան չենք փոխել։ Դրա վկայությունը բանակցային փաթեթի հրապարակումն է, որ ամբողջ բանակցային փաթեթը հրապարակված է, բայց չեք զգում, որ բա ու՞ր գնացին այդ խոսակցությունները, որ նախկինում ասվում էր, որ չգիտեմ, բանակցություններին այսպես է եղել, այսպես է եղել, (04:00) այսպես եղել, այդ ամբողջը, հոդս ցնդեց, ինչու, որովհետև ամբողջ բանակցային պատմության ամբողջ փաթեթը հրապարակեցինք, և այսօր յուրաքանչյուր քաղաքացի կարող է բացել և կարդալ, թե ինչ էր Ղարաբաղի հարցը, ինչ էր նշանակում և ինչի շուրջ են եղել բանակցությունները»։
