Ըստ փորձագետների՝ Ադրբեջանին դրդում են Իրանի դեմ գործողությունների։ Իզուր չէ Իսրայելը տարիներ շարունակ զենք ու բազաներ, ռազմական օդանավակայաններ տեղակայել Ադրբեջանում և օկուպացված Արցախում։

Ադրբեջանի կառավարությունն ամբողջովին դադարեցրել է Իրանի հետ բոլոր անցակետերով բեռնատար մեքենաների երթևեկությունը։ Արգելել է Վրաստանում գտնվող Իրանի քաղաքացիներին Ադրբեջանի տարածքով հայրենիք վերադառնալ՝ կոչ անելով տեղափոխումն իրականացնել Հայաստանով։

Ադրբեջանին, թվում է, ձեռնտու է Իրանի հետ լարվածության ուռճացումը։ Ենթադրվում է՝ ամբողջությամբ կփակի իր սահմանները իրանցիների առաջ։ Նախիջևանում անօդաչուների սադրանքը հենց օգտագործվում է իրավիճակը լարելու համար։ Իրանից հնարավոր փախստականների առաջ փակելով սահմանը՝ արտահոսքն ուղղորդվելու է Հայաստան։ Ադրբեջանը, վախենամ, իրանցի փախստականների անվան տակ ադրբեջանցիներ «գործուղի» Հայաստան՝ բնակեցնելու ծրագրի շրջանակներում։

Անհանգստությունը մեծ է, քանի որ Հայաստանի իշխանությունը զբաղված է ոչ թե սպասվող վտանգները չեզոքացնելով, այլ՝ կուկուռուզ-պեռաշկի շոուով։