«Արևմտյան Ադրբեջանը» խաղաղության նախագիծ չէ, այլ մարտահրավեր է հայկական պետականությանը (տեսանյութ)
Euromedia24-ի «Մեծ բանավեճի» հարթակում տեղի ունեցավ քննարկում, որի թեման, այսպես կոչված, «Արևմտյան Ադրբեջանն» էր։
Քննարկման բանախոսներն էին «Դեմոկրատական այլընտրանք» կուսակցության նախագահ Սուրեն Սուրենյանցը, Ռազմական փորձագետ Հայկ Նահապետյանը, «Հանուն սոցիալական արդարության» կուսակցության նախագահ Արման Ղուկասյանը, «Ազգային անվտանգություն» կուսակցության նախագահ Գառնիկ Իսագուլյանը։ Քննարկման մոդերատորն էր Վահան Բաբայանը՝ «Ռեֆորմիստների կուսակցության» նախագահը։ «Դեմոկրատական այլընտրանք» կուսակցության նախագահ Սուրեն Սուրենյանցը, Ռազմական մական փորձագետ Հայկ Նահապետյանը, «Հանուն սոցիալական արդարության» կուսակցության նախագահ Արման Ղուկասյանը, «Ազգային անվտանգություն» կուսակցության նախագահ Գառնիկ Իսագուլյանը։ Քննարկման մոդերատորն էր Վահան Բաբայանը՝ «Ռեֆորմիստների կուսակցության» նախագահը։
Վահան Բաբայանը հիշեցրեց, որ վերջերս Հայաստան եկան Ադրբեջանի քաղհասարակության ներկայացուցիչները՝ մասնակցելու մի միջոցռման, որը շատ չլուսաբանվեց։ Նա հարց ուղղեց Արման Ղուկասյանին՝ սա ինչ միտում է, և ինչպե՞ս է նա վերավերվում «Արևմտյան Ադրբեջանի» մասին թեզերին։
Արման Ղուկասյանը հայտնեց, որ նման հանդիպումներ միշտ եղել են, պարզապես դրանք տեղի են ունեցել երրորդ երկրներում։ Տարբերությունն այն է, որ դրանք այժմ տեղի են ունենում Երևանում և Բաքվում, այսինքն՝ կոնտակտները վերջին շրջանում ավելի ինտենսիվ են դառնում։
Նրա խոսքով՝ «Արևմտյան Ադրբեջանի» կոնցեպտի մասին ոչ միայն Ալիևն է այս մակարդակով խոսում, այլև կան կառույցներ, որոնք ուղիղ պետական ֆինանսավորում ունեն, և վերջերս տեղի է ունեցել նման կառույցի մեծ համաժողով, որտեղ բարձրաձայնվել են բոլոր այդ հարցերը։ Այդ կառույցը գոյություն ունի ոչ թե թղթի վրա, այլև այն գործում է իրականում և ուղիղ Ալիևի կողմից ֆինանսավորում ունի։ Սրա մասին հանրությունը պետք է տեղյակ լինի, և քանի որ պետական մակարդակով սրա մասին չեն խոսում, տպավորություն է, որ այս ռիսկերը մեծ չեն, դրանք ուռճացվում են։
«Ալիևը յուրովի է տեսնում այդ խաղաղությունը։ Նրա համար խաղաղությունը 300 000 ադրբեջանցու, իսկ հետո նաև ավելի շատ ադրբեջանցիների բնակեցումն է Հայաստանում։ Եթե պետական մակարդակով ամեն ինչ շատ լավ է, որոշ մարդիկ հավատում են, որ եթե մտահոգություն ենք հայտնում, դեմ են խաղաղությանը»,-ասաց Արման Ղուկասյանը։
Նրա խոսքով՝ այժմ չի եկել այն փուլը, որ կարող ենք գնալ Ադրբեջան ու քննարկել խաղաղությունը։ Երբ որ տեսնենք, որ մեր ու Ալիևի խաղաղության տեսլականը նույնն է, այդ դեպքում կարելի է գնալ Ադրբեջան և խոսել դրա մասին։
«Այն ֆոնին, որ ըստ Ալիևի՝ Հայաստանը «Արևմտյան Ադրբեջան» է, մենք գնանք Ադրբեջան ինչի՞ց խոսենք։ Մեր իշխանությունների խնդիրն է Ալիևին բերել կոնստրուկտիվ դաշտ։»,-ասաց Արման Ղուկասյանը։
Վահան Բաբայանը հարցրեց՝ Ռուսաստանի Դաշնությունն ինչպես է վերաբերում այս հարցին, ինչպե՞ս է պատկերացնում «Արևմտյան Ադրբեջան» պրոյեկտը, Արման Ղազարյանը պատասխանեց, որ Ռուսաստանն այսօր զբաղված է ուկրաինական ուղղությամբ, և այդ ուղղությունը օբյեկտիվորեն առաջնային է։ Ռուսաստանն իհարկե ունի կենսական շահեր Հարավային Կովկասում, բայց Թրամփի նախագծից առաջին օգտվողը Թուրքիան է, և սա իհարկե Ռուսաստանի կենսական շահերին դեմ է։ Ինքնըստինքյան, Հարավային Կովկասը չի կարող կարևոր չլինել Ռուսաստանի համար։ Ընդունված է ասել, որ մեր երաշխավորը Թրամփն է, բայց հիշենք, որ կան փաստաթղթեր, և չկա որևէ փաստաթուղթ, որ Թրամփը մեր երաշխավորն է։ Նշվում է, որ Թրամփը վկա է, բայց այս համատեքստում և Ռուսաստանը, և Թուրքիան վկա են։
«Ինձ առաջին հերթին Հայաստանի Հանրապետության շահերն են հետաքրքրում, բայց այդ շահերը շաղկապված են այս կամ այն արտաքին քաղաքական գործոնների, այն իրավիճակի հետ, որ կա այսօր աշխարհում։ Մենք չենք կարող ասել՝ աշխարհում մենք մենակ ենք։ Ուզում եմ հիշեցնել, որ Ռուսաստանը Հայաստանի թիվ մեկ տնտեսական գործընկերն է, և չպետք է մոռանանք, որ հայ-թուրքական սահմանը պահում է 102-րդ ռուսական ռազմաբազան՝ ուզենք, թե ոչ։ Սա իրողություն է»,-եզրափակեց Արման Ղազարյանը։
Մանրամասն՝ տեսանյութում։
